____AZERBAYCAN____
Amine.16.2.2019 23:13
Yurdum, yuvam, meskenimsen,
Anam doğma vetenimsen
Ayrılar mı könül candan?
Azerbaycan, AzerbaycanAmine.16.2.2019 23:15 Men bir uşaq, sen bir ana
Odur ki bağlıyam sana
Hanki semte, hanki yana
Hey uçsam da yuvam sensen
Elim, günüm, obam sensen
Çox geçmişem bu dağlardan
Durna gözlü bulaqlardan
Eşitmişem uzaqlardan,
Sakit axan Araz'ları
Sınamışam dostu, yarı
Feqet senden gen düşende
Ayrılıq menden düşende
Saşlarıma den düşende
Boğar aylar, iller meni,
Qınamasın eller meni
Dağlarının başı qardır
Ağ örpeyin buludlardır
Böyük bir keçmişin vardır
Bilinmeyir yaşın senin,
Neler çekmiş başın senin.
Düşdün uğursuz dillere
Nehs aylara, nehs illere
Nesillerden nesillere
Keçen bir şöhretin vardır,
Oğlun, qızın bextiyardır.
Hey baxıram bu düzlere
Ala gözlü gündüzlere,
Könül ister şeir yaza,
Gencleşirem yaza-yaza
Ölmez könül, ölmez eser
Nizamiler, Füzuliler
Elim qelem, sinem defter,
De gelsin her neyin vardır
Deyilen söz yadigardır.Amine.17.2.2019 20:24 ___AZƏRBAYCAN___
Od ürəkli , od nəfəsli diyarımsan
Ocağına canım qurban , Azərbaycan !
Əzilsən də , əyilməyən vüqarımsan
Bu çağına canım qurban , Azərbaycan !
Savaşlardan alnıaçıq çıxan zaman
Tarixlərə bağışladın neçə qurban.
Hər qonşuda bir parçası əsir qalan
Torpağına canım qurban , Azərbaycan !
Neçə gizli sərvət yatır qucağında ,
Neçə ölkə od aparır ocağından .
Azadlığın al rəmzi var bayrağında
Bayrağına canım qurban , Azərbaycan !
Hər uğurun gələcəyə bir yol açır ,
Hər dost elə xoş niyyətin işıq saçır .
Hər millətə , hər məzhəbə isti , açıq
Qucağına canım qurban , Azərbaycan !
Başım üstdə məğrur-məğrur dalğalanan
Bayrağına canım qurban , Azərbaycan !
Ruhuma büt , cismim üçün vətən olan
Torpağına canım qurban , Azərbaycan !Amine.17.2.2019 20:29 ___AZƏRBAYCAN___
Könlüm quşu qanad çalmaz, sənsiz bir an, Azərbaycan
Xoş günlərin getməz müdam xəyalımdan Azərbaycan
Səndən uzaq düşsəm də mən eşqin ilə yaşayıram
Yaralanmış qəlbim kimi, qəlbi viran Azərbaycan
Bütün dünya bilir sənin qüdrətinlə, dövlətinlə
Abad olub, azad olub, mülkü-İran, Azərbaycan
Bisütuni-İnqilabda Şirin-Vətən üçin Fərhad
Külüng vurmuş öz başına zaman-zaman Azərbaycan
Vətən eşqi məktəbində can verməyi öyrənmişik
Ustadımız demiş heçdir vətənsiz can, Azərbaycan
Qurtarmaqçün zalımların əlindən Rəy şümşadını
Öz şümşadın başdan-başa olub al qan, Azərbaycan
Yarəb, nədir bir bu qədər ürəkləri qan etməyin
Qolu bağlı qalacaqdır nə vaxtacan Azərbaycan
İgidlərin İran üçün şəhid olmuş, əvəzində
Dərd almısan, qəm almısan sən İrandan, Azərbaycan
Evladların nə vaxtadək tərki-vətən olacaqdır
Əl-ələ ver, üsyan eylə, oyan oyan Azərbaycan
Yetər fəraq odlarından kül ələndi başımıza
Dur ayağa, Ya azad ol, ya tamam yan, Azərbaycan
Şəhriyarın ürəyi də səninki tək yaralıdır
Azadlıqdır sənə məlhəm, mənə dərman, Azərbaycan harikachat.net © 2024 TURKUAZ
Harikachat.net@gmail.com
Azerbaycan köşesi